Gee my krag …

Ek wil nie graag oor die kinders se pa skrywe nie, maar laat my toe om die volgende te doen!! Gistermiddag stuur juffrou’tjie vir my ‘n PLEASE CALL ME, ek bel haar, is die kind in trane, haar pa is amper by die huis om hulle te kry, nadat hy gesè het hy sal die kinders eers die aand kom kry, sy was nog besig gewees om van hulle klere te stryk toe hy bel. Volgende minuut hier lui my foon is dit hy, “EK STAAN VOOR JOU F HEKKE” halllllllooooo is sit by die werk, moet ek nou die hekke vir jou kom oopmaak? (Hy is vrek bang vir my boerboel.) Smyt hy die foon in my oor. Fine met my ek het niks vir hom te sè nie, ek antwoord selde as ek sien dit is hy wat my bel. Nie lank daarna lui my foon weer, weer is dit hy, ek antwoord toe maar weer, Angie het iets vergeet by die huis, halllllooo wat moet ek nou doen omtrent dit, hy het after all die kinders gaan aanjaag!

Klaar gepraat oor die vark.

Gistermiddag het ek byna gesmelt van hierdie hitte, ek het nie aircon in my kar nie, met die gevolg dit is MOER warm in die kar, en maak jy die vensters te groot oop, kan van die bliksems wat so langs die paaie allerhande goede verkoop jou handsak of wat ook al gryp. Toe ek by die huis stop was ek rooier as ‘n oor ryp rooi tamatie, water sop nat gesweet. In die huis het ek onder die waaier gaan lè maar eish dit help nie, en die jacuzzi is vol dooie bye, ek klim nie in daai ding met al daai bye nie!! Vergeet dit!! Sit naderhand die aircons aan, maar nie eers dit het my laat afkoel nie. Nadat ek gisteraand in ‘n koel bad gaan lè het het ek so bietjie beter gevoel!

Wou ek toe nou gisteraand op FACEBOOK rondspeel was skaars op die net toe my pc by die huis VRIES! Ek gaan nog daai ding baie ver weggooi. Keer op keer wat ek op FB gaan vries my pc! Strip ek my toe vir die ding, ruk sommer die plug uit, en lè toe maar en luister na Fredi Nest se nuutse cd. Daar is baie mooi songs op, ek geniet die man se musiek vreeslik baie.

Daardie huis was gisteraand so stil, ek het die kinders dadelik gemis, want gewoonlik sit ons eers ‘n rukkie en twak praat as ek van die werk afkom. Geen doef doef musiek uit hulle kamers nie, geen harde tv’s wat blèr vir die hele Pretoria nie, Jaco kan om te dood toe nie, sag TV kyk nie, die ding MOET skreeeeeu!

Het maar sleg gedux, was te warm gewees, het seker laasweek Donderdagaand laas goed gedux, het naderhand opgestaan en in die tv kamer in die donker gaan sit, sommer net gesit, as ek gedink het, kan ek dit nie onthou nie.

Die ou wat die Uno aan ons verkoop het, is nou besig om daardie kar van A-Z vir ons reg te maak, dit kos hom al ‘n klein fortuin! Uno staan al sedert Maandag by die mense. Hopenlik kom die kar die keer reg daar uit, sonder enige foute!

Dit is nog so vroeg en klaar al so warm. Ek was al 6.15 op kantoor. Die verkeer is nogal stil as dit vakansie is, dan kom mens vinnig hier in die stad, maar ai toggie in die middae staan hierdie vervlakste DF Malan omtrent stil! Trokke, busse en taxi’s en o wee dit is net die Taxi drywers en hulle passasiers wat laat is ……. laat ek maar my mond dig toe hou!

Geniet hierdie dag. As ek die storie so kyk gaan ons nie baie besig wees vandag nie, so ek dink ek gaan sommer al net nou “verdwyn”!