|
Die skrywer is oortuig in sy hart dat hierdie ding nie van die Here af is nie en dat God baie teleur gesteld is in ons omdat ons hierdie ding aanmoedig, adverteer en selfs goedkeur, want as ons nie hierdie ding goedgekeur het nie, sou ons dit ook nie aangestuur het nie.
“Die e-pos gogga.” Hoeveel van julle het al e-pos boodskappe gekry wat so mooi is en jou so emosioneel raak dat jy trane in jou oë kry en so naby is om jouself volkome aan die Here oor te gee, maar dan word jy ontnugter deur een van die volgende stellings:
- Jy moet hierdie e-pos binne vyf minute aanstuur of jy gaan sewe jaar van “Bad luck” hê.
- As jy die seën van die Here in jou lewe wil hê, moet jy hierdie e-pos vir vier mense stuur. Ek het dit vir meer as vier mense gestuur en ek weet jy sal ook.
- Indien jy hierdie e-pos vir sewe mense stuur sal daar ‘n wonderwerk met jou gebeur.
- Stuur die e-pos aan twee mense en jy sal binne tien dae geld ontvang. Stuur die e-pos aan vyf mense en jy sal binne drie dae geld ontvang. Stuur die e-pos aan tien mense en ontvang geld binne twee dae, ens.
- Die geluksgodin gaan jou met haar towerstaf oor die kop slaan en jy sal nooit weer finansieël sukkel nie. Al wat jy moet doen is om hierdie e-pos aan al jou vriende op jou poslys stuur.
- Stuur hierdie e-pos aan sewe mense en iemand gaan jou binne die volgende uur bel en vir jou groot geluk bring.
- En nou van die mees intimiderendste e-posse: Let us see satan stopping this one.
- As jy regtig lief is vir God, dan sal jy hierdie boodskap vir almal op jou poslys stuur.
Is dit hoe goedkoop jou geloof is???
Daar bestaan nie iets soos geluk en wens nie. Daar is net geloof wat bo alle twyfel weet dat God ons nooit alleen sal laat nie en dat Hy vir Sy kinders sal voorsien. Hierdie hele wens en geluk ding is bog, want die Bybel is duidelik hieroor.
- Die Here sal jou nooit los nie!
Hebreërs 13:5&6 Julle gedrag moet vry van geldgierigheid wees. Wees tevrede met wat julle het, want Hy het gesê: Ek sal jou nooit begewe en jou nooit verlaat nie. Daarom kan ons met alle vrymoedigheid sê: Die Here is vir my ‘n Helper, en ek sal nie vrees nie; wat sal ‘n mens aan my doen?
- Vra en Hy sal vir jou voorsien!
Matteus 21:22 En alles wat julle in die gebed vra, sal julle ontvang as julle glo. Johannes 14:14 As julle iets in my Naam vra, sal Ek dit doen. Johannes 16:23 En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee. Matteus 21:22 En alles wat julle in die gebed vra, sal julle ontvang as julle glo. Johannes 15:7 As julle in My bly en my woorde in julle, sal julle vra net wat julle wil hê, en julle sal dit verkry.
- Soek altyd eer die aangesig van die Here en kyk wat sal Hy vir jou doen.
Matteus 6:33 Maar soek eers die koninkryk van God en sy geregtigheid, en al hierdie dinge sal vir julle bygevoeg word.
- Daar is net een God soos Hy!
Miga 7:18&19 Wie is ‘n God soos U, wat die ongeregtigheid vergewe en by die oortreding van die oorblyfsel van sy erfdeel verbygaan? Hy hou toorn nie vir ewig vas nie, maar het ‘n welbehae in goedertierenheid. Hy sal Hom weer oor ons ontferm, ons ongeregtighede vertree; ja, U sal al hulle sondes in die dieptes van die see werp.
Hierdie e-pos gogga is daarop gemik om twyfel en verwaring in mense se harte te plant. Dit veroorsaak dat mense nie meer op God vertrou nie en eerder op bygelowe en op geluk staat maak. Bygelowe en wensdenkery is niks anders as heksery nie, want dit veroorsaak dat jy in die krag van wens en geluk en ander dinge glo eerder as in die almagtige krag van God.
2 Korintiërs 6:16,17&18 Of watter ooreenkoms het die tempel van God met die afgode? Want julle is die tempel van die lewende God, soos God gespreek het: Ek sal in hulle woon en onder hulle wandel, en Ek sal hulle God wees, en hulle sal vir My ‘n volk wees. Daarom, gaan onder hulle uit en sonder julle af, spreek die Here; en raak nie aan wat onrein is nie, en Ek sal julle aanneem; en Ek sal vir julle ‘n Vader wees, en julle sal vir My seuns en dogters wees, spreek die Here, die Almagtige.
Gaan Lees ook Jesaja 65 : 11-12 die geluksgod wat God glad nie behaag nie.
Die Woord van God (Die Bybel) sê baie duidelik.
Hosea 4:6 My volk gaan te gronde weens gebrek aan kennis; omdat jy die kennis verwerp het, sal Ek jou verwerp, sodat jy vir My die priesteramp nie sal bedien nie; omdat jy die wet van jou God vergeet het, sal Ek ook jou kinders vergeet.
Moet nie mors met die geesteswêreld indien jy dit nie verstaan nie. Jy kan vloekke oor jouself bring. Glo jy werklik dat jou omstandighede gaan verander indien jy ‘n wens maak of dat iemand kan doodgaan indien jy nie maak soos die e-pos sê nie, of die telefoon gaan lui en jy skielik ‘n oplossing vir jou finansieële probleme gaan kry as jy tien e-posse aanstuur. WORD WAKKER!!!
Verder probeer hierdie e-pos gogga om jou skuldig te laat voel. Die wat tot kennis gekom het en Jesus Christus ken, weet dat Hy ‘n sagmoedige persoon is. Hy sal nooit iemand dwing om Hom te volg nie. Hy staan geduldig en klop aan jou hart se deur en vra om in te kom. Die keuse is en sal altyd net joune bly.
Die Openbaring van Johannes 3:20 Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.
Daar is heeltemal niks daarmee fout om te vra: “Bid asseblief saam met my vir ‘n saak nie.” of om iemand te seën met ‘n mooi e-pos, gebed of gedig nie, maar sommige van hierdie e-pos goggas laat dit blyk asof God ‘n ou man is wat net kyk waar Hy kan slae uitdeel. In teendeel. Ons weet sonder twyfel dat God ‘n liefdevolle Vader is.
Johannes 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.
Ken jy die Woord van God (Die Bybel) en die God van die Woord (Die Bybel)? Dan sal jy weet hoe om te onderskei tussen e-pos wat seën en die e-pos gogga. So terloops, Goggas dra virusse en hulle geaardheid is om aan te hou vernietig tot daar niks oor is nie. Jesus dwing homself nie af op mense nie. Dus vra ek jou nou om op te hou om Sy dierbare Naam so te skend. Daarin teen. Kom ons vertel eerder vir ons kollegas, vriende en kennisse van Sy onvoorwaardelike liefde en deel met hulle wat Jesus al vir ons gedoen het.
Kom ons vat hande in die geloof en hou onmiddelik op om hierdie ding, die “e-Pos Gogga” te voer. Hoe meer hy aangestuur word, hoe groter word hy. Ek en jy kan ‘n verskil maak Kom ons stel hierdie gogga aan Jesus voor en laat toe dat Jesus met hom afreken.
Kom ons doen wat die Woord van God sê.Kom ons bemoedig mekaar met gebed terwyl ons ook mekaar leer. Matteus 22:37-39 En Jesus antwoord hom: Jy moet die Here jou God liefhê met jou hele hart en met jou hele siel en met jou hele verstand. Dit is die eerste en groot gebod. En die tweede wat hiermee gelykstaan: Jy moet jou naaste liefhê soos jouself. Matteus 28:18-20 En Jesus het nader gekom en met hulle gespreek en gesê: Aan My is gegee alle mag in die hemel en op aarde. Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het. En kyk, Ek is met julle al die dae tot aan die voleinding van die wêreld. Amen. Kom ons vertrou God om ons te seën met insig, wysheid en ‘n liefdevolle gees van onderskeiding sodat ons kan onderskei tussen lig en duisternis, reg en verkeerd.
Jy moet net onthou. Sou jy die een wees wat mense laat skuldig voel oor een van hierdie e-posse, bring jy ‘n oordeel oor jouself en jy sal eendag self verantwoording voor God moet doen vir jou dade.Nou moet jy mooi luister. Wat jy bely is wat jy kry. As jy in valsheid en leuns glo sal dit die lewe wees wat jy lei.
Here, my gebed vandag is dat U elkeen van my vriende sal toemaak met die bloed van Jesus Christus. Bewaar en beskerm hulle teen die aanslae van die bose. Oortuig hulle van sonde wat hulle moontlik in hulle lewens mag hê en vergewe hulle daarvoor. Gee vir elkeen die gees van onderskeiding om te kan kies tussen reg en verkeerd en seën hulle in al hulle weë. Dankie Here. Amen.
(Glimlag! Niemand kan jou liefhê soos God jou liefhet nie! Joh. 3:16) |
Angel - Angèlique se kat!
Sharky my kat!
Is sy nie te fraai vir woorde nie??
Jessica word hier deur juffrou’tjie vasgehou!!
Ek like hierdie foto, lyk kompleet of Snippie skreeu nee daar val sy!! Ek is nie eers seker wie hierdie foto geneem het nie! Mense hierdie drie foto’s het my net mooi twee ure plus gevat ek gaan try vir nog so een of dalk twee foto’s.
Hier lè ou grote en loer vir haar!
Lyk kompleet of hierdie enetjie sè: Ek watch jou, vir jou hou ek fyn dop!
